अबैध भन्सार छलिका सामान नियन्त्रणमा

२०८३-०२-१९

A
A^-
A⁺

कैलाली:- कैलाली जिल्लाको बिभिन्न स्थानबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.१,९८,५००।– बराबरको कपडा,मल, मिठाई, सिद्रा माछा, प्लाष्टिक झिल्ली लगायतका सामानहरु सोमबार जिल्ला प्रहरी कार्यालय कैलाली मातहत कार्यालयबाट खटिएको प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।

कञ्चनपुर:- जिल्ला कञ्चनपुर भीमदत्त न.पा. ११ भुजेलाबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.१,६४,५३०।– बराबरको चिनी, मिश्री, बिभिन्न किसिमका कपडा, चप्पल लगायतका सामानहरु सोमबार इलाका प्रहरी कार्यालय गड्डाचौकी, कञ्चनपुरबाट खटिएको प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।

सम्बन्धित समाचार

अबैध लागूऔषध सहित मानिस नियन्त्रणमा

२०८३-०२-१९

कैलाली:- जिल्ला कैलाली धनगढी उप-महानगरपालिका १३ मोहनपुरबाट ३६० मिलिग्राम लागूऔषध खैरो हेरोईन जस्तो देखिने धुलो पदार्थ सहित २ जनालाई सोमबार दिउँसो प्रहरीले पक्राउ गरेको छ । पक्राउ पर्नेहरूमा जिल्ला बैतडी, पाटन नगरपालिका ८ बस्ने बर्ष ३३ को ईन्द्र बहादुर बिष्ट र जिल्ला कञ्चनपुर लालझाडी गाउपालिका ११ बस्ने बर्ष २५ को शुसिल थापा मगर रहेका छन । प्रहरी चौकी कैलालीगाउँ, कैलालीबाट खटिएको प्रहरीले शंका लागि चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको हो यसैगरी, धनगढी उप-महानगरपालिका ३ बाट नियन्त्रित लागूऔषध स्पास (ट्रामाडोल) २९ ट्याबलेट सहित सोही ठाउँ बस्ने बर्ष २३ को रितेश थापालाई सोमबार दिउँसो प्रहरीले पक्राउ गरेको छ । अस्थायी प्रहरी पोष्ट बिशालनगर, कैलालीबाट खटिएको प्रहरीले शंका लागि चेकजाँच गर्दा उक्त नियन्त्रित लागूऔषध फेला पारी पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ यसैगरी, भजनी नगरपालिका ६ बिसनपुरबाट ६ ग्राम २९० मिलिग्राम लागूऔषध खैरो हेरोईन जस्तो देखिने धुलो पदार्थ सहित २ जनालाई सोमबार राति प्रहरीले पक्राउ गरेको छ । पक्राउ पर्नेहरूमा टिकापुर नगरपालिका ७ बस्ने बर्ष २३ को राजबिन महतो र १८ बर्षिय किशोर रहेका छन । जिल्ला प्रहरी कार्यालय कैलाली समेतबाट खटिएको प्रहरीले शंका लागि चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको हो । कञ्चनपुर:- जिल्ला कञ्चनपुर बेलौरी न.पा.१० बनपुरुवाबाट २ ग्राम १२० मिलिग्राम लागूऔषध खैरोहेरोइन जस्तो देखिने धुलो पदार्थ ३ जनालाई सोमबार राति प्रहरीले पक्राउ गरेको छ । पक्राउ पर्नेहरूमा बेलडाँडी गाउपालिका २ चौवन्नी खल्ला बस्ने बर्ष २३ को लोकेन्द्र राना, बर्ष २४ को सुरेन्द्र राना र १८ बर्षिय किशोर रहेका छन । इलाका प्रहरी कार्यालय बेलडाँडी, कञ्चनपुर समेतबाट खटिएको प्रहरीले डी.एल. ३ एस.एफ.भी. २३२४ नम्बरको भारतिय मोटरसाइकलमा सवार निजहरु लाई शंका लागि चेकजाँच गर्दा उक्त पदार्थ फेला पारि तिनै जनालाई उक्त पदार्थ, मोटरसाइकल सहित पक्राउ गरेको हो ।

फरार प्रतिबादी पक्राउ

२०८३-०२-१९

कैलाली:- फैसला कार्यान्वयनको सिलसिलामा सम्मानित जिल्ला अदालत कैलालीको फैसलाले चोरी मुद्दामा १ महिना ६ दिन कैद र रु. १००० जरिवाना तोकिएको जिल्ला कैलाली धनगढी उप-महानगरपालिका ७ बस्ने बिरेन्द्र रानालाई जिल्ला प्रहरी कार्यालय कैलालीबाट खटिएको प्रहरीले सोमबार निजकै घर ठेगानाबाट पक्राउ गरेको हो । कञ्चनपुर:- फैसला कार्यान्वयनको सिलसिलामा सम्मानित जिल्ला अदालत कञ्चपुरको विभिन्न मितिको फैसलाले कैद सजाय तथा जरिवाना ठहर भई फरार रहेका निम्न प्रतिवादीहरुलाई मिति २०८३।०२।१८ गते जिल्ला प्रहरी कार्यालय कञ्चनपुरबाट खटिएको प्रहरी टोलीले पक्राउ गरेको हो ।१. कर्तब्य ज्यान मुद्धामा २ बर्ष ६ महिना कैद र २५,०००।– (पच्चिस हजार ) जरिवाना तोकिएको जिल्ला कञ्चनपुर लालझाडी गा.पा. १ बस्ने बर्ष ३३ को प्रशु राना ।२. लागुऔषध चरेश मुद्धामा १ बर्ष कैद र ५,०००।– (पाँच हजार ) जरिवाना तोकिएको जिल्ला कञ्चनपुर भिमदत्त न.पा.५ बस्ने बर्ष ७० को पिउठा बोहरा ।३. लागुऔषध खैरो हिरोईन मुद्धामा ५ बर्ष कैद र ५,०००।– (पाँच हजार ) जरिवाना तोकिएको जिल्ला कञ्चनपुर भिमदत्त न.पा.१८ भगतपुर बस्ने बर्ष २५ को कमल बहादुर चन्द ।

करेन्ट लागेर मृत्यु

२०८३-०२-१९

कैलाली:- जिल्ला कैलाली लम्कीचुहा नगरपालिका ६ बागमारा बस्ने बर्ष २५ को अर्जुन भुलको सोमवार साँझ करेन्ट लागेर मृत्यु भएको छ । निजलाई घर नजिकै रहेको तराइला नदिमा करेन्ट लगाइ माछा मार्ने क्रममा करेन्ट गम्भिर घाईते भई उपचारको लागी भल्का अस्पताल लम्की लगिएकोमा उपचारको क्रममा मृत्यु भएको हो ।

अबैध लागूऔषध सहित मानिस नियन्त्रणमा

२०८३-०२-१८

कैलाली:- गोदावरी नगरपालिका-२ अत्तरीयाबाट अवैध लागूऔषध खैरो हेरोइन जस्तो देखिने पदार्थ २० ग्राम २ सय ४० मिलिग्राम सहित सोही ठाउँ डेरा गरी बस्ने कञ्चनपुर भिमदत्त नगरपालिका-६ घर भएका ४३ वर्षीय धर्मानन्द भट्ट समेत ३ जनालाई आइतबार बिहान प्रहरीले पक्राउ गरेको छ । इलाका प्रहरी कार्यालय मालाखेतीबाट खटिएको प्रहरीले धर्मानन्दको कोठा तलासी गर्दा उक्त पदार्थ फेला पारी उनीहरूलाई पक्राउ गरेको हो । यसैगरी, कैलारी गा.पा.३ सुर्मिनालाबाट अवैध लागूऔषध खैरो हेरोईन जस्तो देखिने धुलो पदार्थ २ ग्राम २० मिलिग्राम सहित सोही ठाउँ बस्ने बर्ष २९ को मिमुह चौधरीलाई आइतबार दिउँसो प्रहरीले पक्राउ गरेको छ । इलाका प्रहरी कार्यालय हसुलिया, कैलालीबाट खटिएको प्रहरीले शंका लागि चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

अबैध भन्सार छलिका सामान नियन्त्रणमा

२०८३-०२-१८

कञ्चनपुर:- कञ्चनपुर जिल्लाको बिभिन्न स्थानहरु भिमदत्त न.पा.४ बसपार्क र दोधारा चाँदनी न.पा.३ न्याउली घाँटबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.२,३५,१००।– बराबरको तरकारी, कुरकुरे, पेय पदार्थ, पाप्पड, माछा, मोटरसाइकल थान-१ लगायतका सामानहरु आईतबार जिल्ला प्रहरी कार्यालय कञ्चनपुर तथा मातहत कार्यालयबाट खटिएको प्रहरीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो । कैलाली:- जिल्ला कैलाली धनगढी उ.म.न.पा.२ भन्सार कार्यालय नजिकबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.३१,३५०।– बराबरको चिनी, खाने तेल, ग्याँस लाइटर, साडी, सुटपिस, किराना लगायतका सामानहरु आईतबार प्रहरी चौकी त्रिनगर, कैलालीबाट खटिएको प्रहरीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।

जुवातास खेलिरहेको अवस्थामा ९ जना पक्राउ

२०८३-०२-१८

कैलाली:- जिल्ला कैलाली गौरीगंगा न.पा.४ राजिपुर बझाङ्गी टोल स्थित सोही ठाउँ वस्ने बर्ष ४८ को जगत धामीको घरको बैठक कोठाबाट जुवातास खेलिरहेको अवस्थामा निज जगत धामी सहित ९ जनालाई आईतबार साँझ प्रहरीले पक्राउ गरेको छ । जुवातास खेलिरहेका छन भन्ने बिशेष सूचनाको आधारमा जिल्ला प्रहरी कार्यालय कैलाली समेतबाट खटिएको प्रहरीले निजहरूलाई नगद रु.१,७९,०२०।– र ४ गड्डी तास सहित पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।