कञ्चनपुर:- जिल्ला कञ्चनपुर कृष्णपुर न.पा.५ गुलरियाबाट अवैध लागूऔषध खैरो हेरोइन जस्तो देखिने पदार्थ २ ग्राम ५२० मिलिग्राम, इलेक्ट्रोनिक काटा र रु.१,५२,०००।- नगद  सहित ३ जनालाई सोमबार साँझ प्रहरीले पक्राउ गरेको छ । पक्राउ पर्ने हरुमा सोही ठाउँ बस्ने वर्ष २३ को राजेश राना,  वर्ष २४ को दिवाकर भुल र वर्ष ३० को जयराम राना रहेका छन । लागूऔषधको कारोवार भईरहेको छ भन्ने गोप्य सुचनाको आधारमा लागूऔषध नियन्त्रण व्युरो शाखा धनगढी र इलाका प्रहरी कार्यालय गुलरिया, कञ्चनपुरबाट संयुक्त रुपमा खटिएको प्रहरीले पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।