कैलाली:- जिल्ला कैलाली धनगढी उ.म.न.पा.१७ पथरीबाट अवैध लागूऔषध खैरो हेरोईन जस्तो देखिने धुलो पदार्थ १ ग्राम ७० मिलिग्राम सहित सोही ठाउँ बस्ने बर्ष २६ को शंकर चौधरीलाई शनिबार साँझ प्रहरीले पक्राउ गरेको छ । जिल्ला प्रहरी कार्यालय कैलालीबाट खटिएको प्रहरीले शंका लागि चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको हो ।

   कञ्चनपुर:- जिल्ला कञ्चनपुर भिमदत्त न.पा.१५ निम्बुखेडाबाट अवैध लागूऔषध खैरो हेरोइन जस्तो देखिने पदार्थ ३२० मिलिग्राम सहित सोही ठाउँ बस्ने समिर नेपालीलाई शनिबार राति प्रहरीले पक्राउ गरेको छ । लागूऔषधको कारोबार भइरहेको छ भन्ने गोप्य सुचनाको आधारमा जिल्ला प्रहरी कार्यालय कञ्चनपुरबाट खटिएको प्रहरीले निजलाई चेकजाँच गर्दा उक्त पदार्थ सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

    अछाम:- जिल्ला अछाम मंगलसेन न.पा.८ ग्यानेगैडी स्थित सोही ठाउँ बस्ने बर्ष ५७ को भैरव प्रसाद भाटले संचालन गरेको किराना तथा चिया नास्ता पसलबाट ८ ग्राम १९० मिलिग्राम अवैध लागूऔषध चरेश जस्तो देखिने कालो पदार्थ र ५०० वटा सुकाएका गाँजाका बोट सहित निजलाई प्रहरीले पक्राउ गरेको छ । गोप्य सुचनाको आधारमा प्रहरी चौकी मंगलसेन, अछामबाट खटिएको प्रहरीले निजको पसल खानतलासी गर्दा पसल भित्र रहेको टेवल भित्र लुकाई छिपाई राखेको अवस्थामा उक्त पदार्थ फेला पारी आवश्यक प्रक्रिया पुरा गरि पक्राउ गरेको हो ।