आगलागीबाट विभिन्न धनमाल जलेर नष्ट

    कैलाली:-  जिल्ला कैलारी गा.पा. २ बसौटी बस्ने बाबुराम चौधरीको गोठमा बिजुलीको तार सर्ट भई आईतबार साँझ आगलागी हुँदा अन्दाजी मुल्य रु.१५,००,०००।– ( पन्ध्र लाख ) बराबरको धनमाल जलेर नष्ट भएको हो । आगलागीबाट मानविय तथा चौपाया क्षेती नभएको,  आगलागी स्थानिय, प्रहरी र दमकलको सहयोगमा नियन्त्रणमा आएको हो ।

अबैध लागूऔषध सहित मानिस नियन्त्रणमा

अबैध भन्सार छलिका सामान नियन्त्रणमा

      कैलाली:- कैलाली जिल्लाको विभिन्न स्थानहरु धनगढी उ.म.न.पा.१४ बी गाउँ रिङरोड नजिक र भजनी न.पा.७ हिक्मतपुरघाटबाट अबैंध रुपमा भारतबाट भन्सार छलि गरी ल्याएका अन्दाजी मूल्य रु.२,५२,१५०।– बराबरको पेय पदार्थ, सुर्ति, विभिन्न किसिमका बिजुली लगायतका सामानहरु आईतबार जिल्ला प्रहरी कार्यालय कैलाली मातहत कार्यालयबाट खटिएको प्रहरीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।  

सवारी दुर्घटनामा मोटरसाईकल चालकको मृत्यू

    कैलाली:- जिल्ला कैलाली धनगढी उ.म.न.पा. १३ एयरपोर्ट चोक स्थित धनगढी- अत्तरीया सडकखण्डमा  सु.प.प्र.०२-००१ज ०६९३ नम्बरको हाइस र  म १ प ५२४ नम्बरको मोटरसाईकल एक आपसमा ठोकिन जाँदा मोटरसाईकल चालक गोदावरी न.पा. ५ गेटा बस्ने बर्ष ६५ को चेतराज भट्ट गम्भिर घाईते भई उपचारको लागि मायामेट्रो अस्पताल धनगढी लगिएकोमा निजको आईतबार बेलुका उपचारको क्रममा मृत्यू भएको हो । गाडी चालक जिल्ला डोटी शिखर न.पा. १० बस्ने बर्ष २६ को टेक बहादुर धामीलाई प्रहरीले नियन्त्रणमा लिई अनुसन्धान गरिरहेको छ । 

अबैध भन्सार छलिका सामान नियन्त्रणमा

      कैलाली:- जिल्ला कैलाली कैलारी गा.पा.५ गोबरैला घाटबाट अबैध रुपमा भारतबाट भन्सार छलि गरि ल्याएका अन्दाजी मूल्य रु.४३,६००।- बराबरको बोईलर कुखुरा, सिद्रा माछा लगायतका सामानहरु शनिबार इलाका प्रहरी कार्यालय हसुलिया, कैलालीबाट खटिएको प्रहरीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो । 

मृत अवस्थामा फेला

     कैलाली:-  जिल्ला कैलाली लम्कीचुहा न.पा.३ बल्चौर स्थित घर नजिकै पानी नभएको नालामा सोही ठाउँ बस्ने बर्ष ३८ को बुद्धि राम चौधरी शनिबार दिउँसो मृत अवस्थामा फेला परेका छन् ।   घटना सम्बन्धमा प्रहरीले आवश्यक अनुसन्धान गरिरहेको छ ।