कैलाली:- जिल्ला कैलाली कैलारी गा.पा.५ पबेराबाट अवैध लागूऔषध खैरो हिरोइन जस्तो देखिने धुलो पदार्थ १६० मिलिग्राम सहित २ जनालाई वुधबार दिउँसो प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने बर्ष २७ को सुसान्त चौधरी र गौरिगंगा न.पा.८ बस्ने बर्ष ३३ को हेइमन बखरिया रहेका छन् । इलाका प्रहरी कार्यालय हसुलिया, कैलालीबाट खटिएको प्रहरीले शंका लागि चेकजाँच गर्दा  उक्त पदार्थ फेला पारि उक्त पदार्थ सहित पक्राउ गरेको हो ।

     यसैगरी, जिल्ला कैलाली भजनी न.पा.१ भजनी बजारबाट अवैध लागूऔषध खैरो हिरोइन जस्तो देखिने धुलो पदार्थ ५७० मिलिग्राम, नगद भारतिय रुपयाँ रु.१३,०००।– र नेपाली रुपयाँ रु.८१४० सहित २ जनालाई वुधबार राति प्रहरीले पक्राउ गरेको छ । पक्राउ पर्नेहरूमा टिकापुर न.पा.१ घन्टाघर बस्ने बर्ष २५ की प्रेयंका चौधरी र भजनी न.पा.८ सोनाफांटा बस्ने बर्ष २२ की कमला परियार रहेका छन् । बिशेष गोप्य सुचनाको आधारमा इलाका प्रहरी कार्यालय भजनी, कैलालीबाट खटिएको प्रहरीले चेकजाँच गर्दा  उक्त पदार्थ र नगद फेला पारि पक्राउ गरेको हो ।