कैलाली:- जिल्ला कैलाली धनगढी उ.म.न.पा.१२ लम्साल चोकबाट अवैध लागूऔषध खैरो हेरोइन जस्तो देखिने पदार्थ ९५० मिलिग्राम सहित २ जनालाई मंगलबार साँझ प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने बर्ष २८ को निशान भण्डारी र १५ बर्षिय किशोर रहेका छन् । लागूऔषध नियन्त्रण ब्युरो शाखा कार्यालय महेन्द्रनगर र अस्थायी प्रहरी पोष्ट जुगेडा, कैलालीबाट संयुक्त रुपमा खटिएको प्रहरीले शंका लागि चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको हो ।

     कञ्चनपुर:- जिल्ला कञ्चनपुर भिमदत्त न.पा.११  गड्डाचौकी होल्डिङ सेन्टर नजिकबाट अवैध लागूऔषध खैरो हेरोइन जस्तो देखिने पदार्थ ३०० मिलिग्राम सहित बेतकोट न.पा.७ बसन्तपुर बस्ने बर्ष २९ को अजय डगौरालाई  मंगलबार राति प्रहरीले पक्राउ गरेको छ । इलाका प्रहरी कार्यालय गड्डाचौकी, कञ्चनपुरबाट खटिएको प्रहरीले शंका लागि चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ । 

     बझाङ:-  जिल्ला बझाङ जयपृथ्वी न.पा.६ नौरा स्थित सोही ठाउँ बस्ने वर्ष ३२ को बिमल कुमार सिंहले सञ्चालन गरेको मष्टा किरना पसलबाट ३५ ग्राम ७८० मिलिग्राम लागूऔषध चरेश जस्तो देखिने कालो पदार्थ सहित निजलाई मंगलबार साँझ प्रहरीले पक्राउ गरेको छ । लागूऔषध चरेश बिक्रि बितरण गरिरहेको छ भन्ने बिशेष सुचनाको आधारमा जिल्ला प्रहरी कार्यालय बझाङबाट खटिएको प्रहरी टोलीले निजले सञ्चालन गरेको पसलमा खानतलासी गर्दा पसल भित्र र्‍याकमा लुकाइ छिपाई राखेको अवस्थामा उक्त पदार्थ फेला पारी निजलाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ । 

      डडेल्धुरा:-  जिल्ला डडेल्धुरा अजयमेरु गा.पा.१ मदुराड स्थित सोही ठाउँ बस्ने वर्ष ४५ को सन्तोष भण्डारीले सञ्चालन गरेको खुद्रा पसलबाट १७१ ग्राम ४६० मिलिग्राम लागूऔषध चरेश जस्तो देखिने कालो पदार्थ सहित निजलाई मंगलबार बेलुकी प्रहरीले पक्राउ गरेको छ । प्रहरी चौकी पोखरा, डडेल्धुराबाट खटिएको प्रहरीले निजले सञ्चालन गरेको पसलमा खानतलासी गर्दा पसल भित्र लुकाइ छिपाई राखेको अवस्थामा उक्त पदार्थ फेला पारी निजलाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।