कञ्चनपुर:- जिल्ला कञ्चनपुर कृष्णपुर नगरपालिका-२ नयाँबस्तीबाट अवैध लागूऔषध खैरो हेरोइन जस्तो देखिने धुलो पदार्थ ३० ग्राम ९३० मिलिग्राम सहित ४ जनालाई बिहीबार साँझ प्रहरीले पक्राउ गरेको छ ।

पक्राउ पर्नेहरूमा सोही ठाउँ बस्ने बर्ष ४० को लाल बहादुर सुनार, बर्ष ३१ को हेमराज जोशी, बेतकोट नगरपालिका-७ दैजी बस्ने बर्ष ३१ को बिमल पाण्डे र जिल्ला कैलाली, धनगढी उप-महानगरपालिका-५ तारानगर बस्ने बर्ष २५ को अशोक पाण्डे रहेका छन् । लागूऔषधको कारोबार भई रहेको भन्ने गोप्य सुचनाको आधारमा लागूऔषध नियन्त्रण ब्युरो शाखा कार्यालय महेन्द्रनगर र अस्थायी प्रहरी पोष्ट बाणी, कञ्चनपुरबाट संयुक्त रुपमा खटिएको प्रहरीले निजहरुलाई बि.ए.ए. १३५१ नम्बरको स्कारपियो समेत फेला पारि स्कारपियो र उक्त पदार्थ सहित पक्राउ गरेको हो । 

       कैलाली:- जिल्ला कैलाली लम्कीचुहा न.पा.१ थकालिपुरबाट अवैध लागूऔषध खैरो हेरोईन जस्तो देखिने धुलो पदार्थ १५० मिलिग्राम सहित सोही ठाउँ बस्ने बर्ष २३ को ललित राना क्षेत्रीलाई बिहीबार साँझ प्रहरीले पक्राउ गरेको छ । गोप्य सुचनाको आधारमा इलाका प्रहरी कार्यालय लम्की, कैलालीबाट खटिएको प्रहरीले चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।