कैलाली:- फैसला कार्यान्वयनको सिलसिलामा सम्मानित जिल्ला अदालत कैलालीको २०५६।१२।१३ गतेको फैसलाले कर्तव्य ज्यान मुद्दामा २० बर्ष कैद सजाय तोकिई  मिति २०६१।१०।२७ गते कैलाली कारागारबाट भगी फरार रहेको टिकापुर न.पा.१ बनगाउँ बस्ने बर्ष ४५ को धन बहादुर घर्ति मगरलाई इलाका प्रहरी कार्यालय टिकापुर, कैलालीबाट खटिएको प्रहरीले शुक्रबार दिउँसो निजकै घर ठेगानाबाट पक्राउ गरेको हो ।

     अछाम:- फैसला कार्यान्वयनको सिलसिलामा सम्मानित जिल्ला अदालत अछामको २०८१।११।२२ गतेको फैसलाले सवारी ज्यान मुद्दामा ५ महिना २१ दिन कैद सजाय तोकिएको जिल्ला कैलाली, धनगढी उ.म.न.पा.१ घर भई हाल जिल्ला अछाम, साँफेबगर न.पा.४ जनकल्याण टोलमा कोठागरी बस्ने बर्ष ३७ को सुनिल चौधरीलाई इलाका प्रहरी कार्यालय साँफेबगर, अछामबाट खटिएको प्रहरीले शुक्रबार दिउँसो साँफेबगर न.पा.१० ठाटी बजारबाट पक्राउ गरेको हो ।

     दार्चुला:- फैसला कार्यान्वयनको सिलसिलामा सम्मानित जिल्ला अदालत दार्चुलाको २०८३।२।२९ गतेको फैसलाले लिखत सम्बन्धी कसूर मुद्दामा १ बर्ष कैद सजाय र रु.१०,०००।- जरिवाना तोकिएको मालिकार्जुन गा.पा. ८ बस्ने बर्ष ३९ को अशोक सिह खत्रीलाई जिल्ला प्रहरी कार्यालय दार्चुलाबाट खटिएको प्रहरीले शुक्रबार दिउँसो पक्राउ गरेको हो ।