अबैध भन्सार छलिका सामान नियन्त्रणमा

२०८३-०३-२३

A
A^-
A⁺

कैलाली:- जिल्ला कैलाली धनगढी उ.म.न.पा.३ मिलन चोकबाट अबैध रुपमा भारतबाट भन्सार छलि गरि ल्याएका अन्दाजी मूल्य रु.३५,०००।- बराबरको सुटपिस, भुटेको चना लगायतका सामानहरु सोमबार राति इलाका वडा प्रहरी कार्यालय धनगढी, कैलालीबाट खटिएको प्रहरीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।

सम्बन्धित समाचार

अबैध लागूऔषध सहित मानिस नियन्त्रणमा

२०८३-०३-२३

कैलाली:- जिल्ला कैलाली धनगढी उ.म.न.पा.७ मनेहराबाट अवैध लागूऔषध खैरो हेरोईन जस्तो देखिने धुलो पदार्थ ३ ग्राम ६३० मिलिग्राम सहित सोही ठाउँ बस्ने बर्ष १९ को महेन्द्र रानालाई सोमबार साँझ प्रहरीले पक्राउ गरेको छ । जिल्ला प्रहरी कार्यालय कैलाली र लागूऔषध नियन्त्रण व्युरो शाखा कार्यालय धनगढीबाट संयुक्त रुपमा खटिएको प्रहरीले शंका लागि चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको हो ।

फरार प्रतिबादी पक्राउ

२०८३-०३-२३

कञ्चनपुर:- फैसला कार्यान्वयनको सिलसिलामा सम्मानित जिल्ला अदालत कञ्चनपुरको मिति २०८२।१२।१६ गतेको फैसलाले सवारी ज्यान मुद्दामा २ महिना कैद सजाय र रु.२,०००।–जरिवाना तोकिएको भिमदत्त न.पा. १० काठेपुल बस्ने बर्ष ४३ को जनक बहादुर भाटलाई इलाका प्रहरी कार्यालय गड्डाचौकी, कञ्चनपुरबाट खटिएको प्रहरीले सोमबार निजकै घर ठेगानाबाट पक्राउ गरेको हो । यसैगरी, फैसला कार्यान्वयनको सिलसिलामा सम्मानित जिल्ला अदालत कञ्चनपुरको मिति २०८३।०३।०३ गतेको फैसलाले लेनदेन मुद्दामा बिगो रु.१,००,०००।– (एक लाख) बाफतको १ बर्ष ३ महिना १३ दिन कैद सजाय तोकिएकी भिमदत्त न.पा.५ सुकासाल अवस्थी चौराहा बस्ने बर्ष ३० की जानकी सुनारलाई जिल्ला प्रहरी कार्यालय कञ्चनपुरबाट खटिएको प्रहरीले सोमबार दिउँसो निजकै घर ठेगानाबाट पक्राउ गरेको हो ।

अबैध लागूऔषध सहित मानिस नियन्त्रणमा

२०८३-०३-२२

कैलाली:- जिल्ला कैलाली जानकी गा.पा.४ मनुवाबाट अवैध लागूऔषध खैरो हेरोइन जस्तो देखिने पदार्थ ६३० मिलिग्राम सहित ३ जनालाई आइतबार दिउँसो प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने बर्ष ४१ को रमेश कुमार रावत कठरिया, टिकापुर न.पा.४ बस्ने बर्ष २४ की सोनु राजवंशी र जोशीपुर गा.पा.१ बस्ने १८ बर्षिय किशोरी रहेका छन् । इलाका प्रहरी कार्यालय टिकापुर, कैलालीबाट खटिएको प्रहरीले रमेश कुमार रावत कठरियाको घर-कोठामा लागूऔषध सेवन गरिरहेको अवस्थामा खानतलासी गर्दा उक्त पदार्थ फेला पारी उक्त पदार्थ सहित तिनै जनालाई पक्राउ गरेको हो । यसैगरी, जिल्ला कैलाली धनगढी उ.म.न.पा.२ त्रिनगर ब्यारेलबाट अवैध लागूऔषध गाजाँ जस्तो देखिने पदार्थ ३ ग्राम २० मिलिग्राम सहित सोही उ.म.न.पा.३ बस्ने बर्ष २४ को महेश चौधरीलाई आइतबार राति प्रहरीले पक्राउ गरेको छ । प्रहरी चौकी त्रिनगर, कैलालीबाट खटिएको प्रहरीले शंका लागि चेकजाँच गर्दा उक्त पदार्थ सहित पक्राउ गरेको हो । दार्चुला:- जिल्ला दार्चुला महाकाली न.पा.४ पुलघाटबाट अवैध लागूऔषध चरेश जस्तो देखिने कालो पदार्थ ८ ग्राम सहित नौगाड गा.पा. ४ घर भई हाल महाकाली न.पा.४ मोहती बस्ने बर्ष २० को सुरज ठगुन्नालाई आइतबार दिउँसो प्रहरीले पक्राउ गरेको छ । अस्थायी प्रहरी पोष्ट पुलघाट, दार्चुलाबाट खटिएको प्रहरीले भारतबाट नेपाल तर्फ आउदै गरेको अवस्थामा शंका लागि चेकजाँच गर्दा उक्त पदार्थ फेला पारी निजलाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

सवारी दुर्घटनामा मृत्यु

२०८३-०३-२२

कैलाली:- जिल्ला कैलाली धनगढी उ.म.न.पा.३ बोराडाडी चोक स्थित धनगढी बाट अत्तरिया तर्फ जादै गरेको यु.पी. ६५ ई.एक्स. ०१०० नम्बरको भारतिय कारले सोही दिशा तर्फ जादै गरको से ४ प ९५२ नम्बरको मोटरसाईकल लाई पछाडीबाट ठक्कर दिँदा मोटरसाइकल पछाडी सवार जिल्ला बैतडी, सिगास गा.पा. १ बस्ने बर्ष ४८ को पदम चन्द गम्भिर घाईते भई उपचारको लागि मायामेट्रो अस्पताल लगिएकोमा उपचारको क्रममा आइतबार राति मृत्यु भएको हो । मोटरसाइकल चालक धनगढी उ.म.न.पा.३ बोराडाडी बस्ने बर्ष ४३ को गौतम ऐर सकुसल रहेको । गाडी र गाडी चालक देश भारत उत्तर प्रदेश वाराणसी बस्ने बर्ष ४२ को अश्वनी कुमार सिंहलाई प्रहरीले नियन्त्रणमा लिई अनुसन्धान गरिरहेको छ ।

करेन्ट लागेर वालिकाको मृत्यु

२०८३-०३-२१

कैलाली:- जिल्ला कैलाली गौरीगंगा न.पा.६ बस्ने तपेन्द्र साउदको छोरी बर्ष ८ की आयुस्मा साउदको शनिबार बेलुकी करेन्ट लागेर मृत्यु भएको छ । निजलाई घरमा पानी तान्ने मोटरबाट करेन्ट लागी घाईते भई उपचारको लागी मायामेट्रो अस्पताल धनगढी ल्याईएकोमा उपचारको क्रममा मृत्यु भएको हो ।

अबैध भन्सार छलिका सामान नियन्त्रणमा

२०८३-०३-२१

कैलाली:- कैलाली जिल्लाको विभिन्न स्थानहरु धनगढी उ.म.न.पा.३ ट्राफिक चौराह र मिलन चोकबाट अबैंध रुपमा भारतबाट भन्सार छलि गरी ल्याएका अन्दाजी मूल्य रु.१,८६,२५०।– बराबरको साडी, सुटपिस, कुर्ति, धोति, गन्जि, कट्टु लगायतका सामानहरु शनिबार जिल्ला प्रहरी कार्यालय कैलाली तथा मातहत कार्यालयबाट खटिएको प्रहरीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।