कञ्चनपुर:- जिल्ला कञ्चनपुर भिमदत्त न.पा.३ ब्रह्मदेव चोक जिरो प्वाइन्ट नजिक शुक्लाफाँटा न.पा.५ बस्ने बर्ष २९ को सुरेन्द्र प्रसाद जोशीले संचालन गरेको चिया नास्ता पसलबाट जुवातास खेलिरहेको अवस्थामा निज सुरेन्द्र प्रसाद जोशी सहित ६ जनालाई वुधबार साँझ प्रहरीले पक्राउ गरेको छ । जुवातास खेलिरहेका छन भन्ने सूचनाको आधारमा वडा प्रहरी कार्यालय महेन्द्रनगर, कञ्चनपुरबाट खटिएको प्रहरीले निजहरूलाई नगद रु.२२,५९०।– र १ गड्डी तास सहित पक्राउ गरेको हो । यस सम्बन्धमा प्रहरीले अनुसन्धान गरिरहेको छ ।