कैलाली:- जिल्ला कैलाली धनगढी उपमहानगरपालिका वडा नं ५ तारानगर स्थित ऐ. बस्ने हरि प्रसाद पडालको घरबाट जुवातास खेलिरहेको अवस्थामा निज हरि प्रसाद पडाल सहित ७ जनालाई विहिबार दिउँसो प्रहरीले पक्राउ गरेको छ । जुवातास खेलिरहेका छन भन्ने सूचनाको आधारमा जिल्ला प्रहरी कार्यालय कैलालीबाट खटिएको प्रहरीले निजहरूलाई नगद रु.२५,४५०।– र ३ गड्डी तास सहित पक्राउ गरेको हो । यस सम्बन्धमा प्रहरीले अनुसन्धान गरिरहेको छ ।    

    यसैगरी, जिल्ला कैलाली लम्कीचुहा नगरपालिका १ मोतिपुर बजार स्थित रहेको गोपाल हमालको सपना नास्ता पसलबाट जुवातास खेलिरहेको अवस्थामा निज गोपाल हमाल सहित १४ जनालाई विहिबार साँझ प्रहरीले पक्राउ गरेको छ । जुवातास खेलिरहेका छन भन्ने सूचनाको आधारमा इलाका प्रहरी कार्यालय टिकापुर,कैलालीबाट खटिएको प्रहरीले निजहरूलाई नगद रु.५०,१६०।– र ९ गड्डी तास सहित पक्राउ गरेको हो । यस सम्बन्धमा प्रहरीले अनुसन्धान गरिरहेको छ ।