अवैध लागूऔषध सहित मानिस नियन्त्रणमा

२०८३-०४-२९

A
A^-
A⁺

कैलाली :- . जिल्ला कैलाली धनगढी उ.म.न.पा. वडा नं ७ JP चोक स्थितबाट अवैध लागूऔषध ब्राउनसुगर जस्तो देखिने पदार्थ १७० मिलिग्राम सहित जिल्ला कैलाली गौरीगंगा न.पा. वडा नं ८ घर भई हाल धनगढी उ.म.न.पा. वडा नं ७ बस्ने वर्ष २० को अबिनाश चौधरीलाई जिल्ला प्रहरी कार्यालय कैलालीबाट खटिएको प्रहरी टोलीले बिहिबार बेलुका शंका लागि चेकजाँच गर्दा उक्त पदार्थ फेला पारी पक्राउ गरेको छ । यस सम्बन्धमा प्रहरीले आवश्यक अनुसन्धान गरिरहेको छ ।

सम्बन्धित समाचार

जवरजस्ती करणी गरेको अभियोगमा मानिस पक्राउ

२०८३-०४-२९

कैलाली:- १५ वर्षिया वालिकालाई जबरजस्ती करणी गरेको अभियोगमा जिल्ला कैलाली गौरीगंगा न.पा. वडा नं. ०९ बस्ने वर्ष ८४ को बिर बहादुर जाग्रीलाई बिहिबार दिउँसो प्रहरीले पक्राउ गरेको छ । निजले ती वालिकालाई जबरजस्ती करणी गरेको भन्ने उजुरीको आधारमा इलाका प्रहरी कार्यालय मसुरिया, कैलालीबाट खटिएको प्रहरी टोलिले पक्राउ गरेको छ । यस सम्बन्धमा प्रहरीले आवश्यक अनुसन्धान गरिरहेको छ ।

डुबी मृत्यु

२०८३-०४-२९

कञ्चनपुर :- जिल्ला कञ्चनपुर कृष्णपुर नगरपालिका वडा नं.२ बाणी स्थित मछली खोलामा सोही ठाँउ बस्ने १५ वर्षिया आदेश लुहारको पौडी खेल्ने क्रममा विहिबार दिउँसो डुवेर मृत्यु भएको छ । घटना सम्बन्धमा प्रहरीले अनुसन्धान गरिरहेको छ ।

अवैध भन्सार छलिका सामान नियन्त्रणमा

२०८३-०४-२९

कञ्चनपुर :- जिल्ला कञ्चनपुर कृष्णपुर न.पा.५ बनदेवी मन्दिर स्थित महेन्द्र राजमार्गमा अवैध रुपमा भारतबाट भन्सार छलि गरी ल्याएका अन्दाजी मूल्य रु.५५,०००।– बराबरको बिडि र सुर्ति विहिबार इलाका प्रहरी कार्यालय गुलरिया,कञ्चनपुरबाट खटिएको प्रहरी टोलीले बेवारिसे अवस्थामा फेला पारी नियन्त्रणमा लिएको छ ।

अवैध भन्सार छलिका सामान नियन्त्रणमा

२०८३-०४-२८

कैलाली:- कैलाली धनगढी उ.म.न.पा. २ सारदा स्कुल नजिकबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.२१,६००।– बराबरको छिद्रा माछा बुधबार जिल्ला प्रहरी कार्यालय कैलालीबाट खटिएको प्रहरी टोलीले बेवारिसे अवस्थामा फेला पारी नियन्त्रणमा लिएको छ । कञ्चनपुर:- जिल्ला कञ्चनपुर दोधारा चाँदनी नगरपालिका ८ नेपाल भारत सीमाना १८ नम्बर पिल्लर स्थितबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.३४,२००।– बराबरको बोईलर कुखुरा र पुनर्वास न.पा.३ SPL स्कुल नजिकैबाट अन्दाजी मुल्य रु. २०,२००।– बराबरको पेय पदार्थ,कपडा र किराना लगायका सामानहरु बुधबार इलाका प्रहरी कार्यालय दोदारा चाँदनी र त्रिभुवनबस्ति,कञ्चनपुरबाट खटिएको प्रहरी टोलीले बेवारिसे अवस्थामा फेला पारी नियन्त्रणमा लिएको छ ।

अवैध लागूऔषध सहित मानिस नियन्त्रणमा

२०८३-०४-२८

कञ्चनपुर:- जिल्ला कञ्चनपुर बेदकोट न.पा.वडा नं.३ समादैजी स्थितबाट अवैध लागूऔषध ब्राउनसुगर जस्तो देखिने धुलो पदार्थ ६४० मिलिग्राम सहित जिल्ला कञ्चनपुर बेलडाँडी गा.पा.१ बस्ने वर्ष २५ को रोहित भण्डारी र सोही स्थान बस्ने खत्री नास्ता पसलका सञ्चालक वर्ष ३० को मदन खत्रीको साथबाट २५ ग्राम ५३० मिलिग्राम लागु औषध (चरेश) जस्तो देखिने कालो पदार्थ सहित प्रहरी चौकी सुँडा,कञ्चनपुरबाट खटिएको प्रहरी टोलीले बुधबार बेलुका शंका लागि चेकजाँच गर्दा उक्त पदार्थ फेला पारी दुबै जनालई पक्राउ गरेको छ ।

सवारी दुर्घटनाबाट मानिसको मृत्यू

२०८३-०४-२८

कञ्चनपुर :- मिति २०८३।०४।२७ गते जिल्ला कंचनपुर पुर्नवास नगरपालिका वडा नं ११ डोकेबजार स्थित हुलाकी सडक खण्डमा चालक जिल्ला कैलाली गोदावरी न.पा. वडा नं.१ डाँडाटोल बस्ने वर्ष ३१ को पुष्कर साँउदले चलाएको सु.प.प्र.०१-००१ ख ३५४६ नं.को बसले जिल्ला बैतडी मेलौली न.पा. वडा नं. ९ रोकटा बस्ने वर्ष ४० को भरत बहादुर चन्दलाई ठक्कर दिँदा गम्भिर घाईते भई सेति प्रादेशिक अस्पताल धनगढीमा उपचारको क्रममा निजको मृत्यू भएको, बस र बस चालक इलाका प्रहरी कार्यालय त्रिभुवनबस्ती,कञ्चनपुरको नियन्त्रणमा रहेको छ ।