कैलाली:- जिल्ला कैलाली धनगढी उ.म.न.पा. वडा नं २ फन पार्क र धनगढी उ.म.न.पा.९ बङ्ग्रा कटान स्थितबाट अवैध रुपमा भारतबाट भन्सार छलि गरी ल्याएका अन्दाजी मूल्य रु. १,८१,७३०।– ( एक लाख एकासी हजार सात सय तिस रुपैंया ) बराबरको कपडा, सुर्ति र बिडी लगायतका सामानहरु सोमबार जिल्ला प्रहरी कार्यालय कैलाली तथा मातहत प्रहरी कार्यालयबाट खटिएको प्रहरीले बेवारिसे अवस्थामा फेला पारी नियन्त्रणमा लिएको छ । 

कञ्चनपुर :- जिल्ला कञ्चनपुर भिमदत्त न.पा. वडा नं ११ गड्डाचौकी स्थितबाट अवैध रुपमा भारतबाट भन्सार छलि गरी ल्याएका अन्दाजी मूल्य रु. ३,०५,०००।–(तिन लाख पाँच हजार रुपैंया ) बराबरको कपडा, हार्डवेयर सामान, मोबाइल कभर र किराना लगायतका सामानहरु सोमबार इलाका प्रहरी कार्यालय गड्डाचौकी,कञ्चनपुरबाट खटिएको प्रहरीले बेवारिसे अवस्थामा फेला पारी नियन्त्रणमा लिएको छ ।