कञ्चनपुर:- कञ्चनपुर जिल्लाको बिभिन्न स्थानहरु,भिमदत्त नगरपालिका वडा नं.४ बसपार्कबाट अबैध रुपमा भारतबाट भन्सार छली ल्याएका अन्दाजी मूल्य रु. ३९,००७।– बराबरको मोबायलका कभरहरु,स्क्रिन कार्डहरु, ऐ.११ भुजेला र तिनताराबाट अन्दाजी मूल्य रु. ५,०५,३५०।- बराबरको जुत्ता,सुट,साडी,चेक सर्ट,मोबाईल स्क्रिन,मोबाईल कभर,मोबाईल चार्जर,डाटा केबल लगायतका सामानहरु गरि जम्मा अन्दाजी मूल्य रु.५,४४,३५७।– बराबरको सामानहरु सोमबार प्रहरी गस्ती टोलीले बेवारिसे अबस्थामा फेला पारी आवश्यक प्रकृया पुरा गरि नियन्त्रणमा लिएको हो । उल्लेखित सामानहरु प्रहरीले आवश्यक कार्वाहीको लागी भन्सार कार्यालय गड्डाचौकीमा बुझाएको हो ।