फरार प्रतिबादी पक्राउ

२०८१-०१-१०

A
A^-
A⁺

कैलाली:- सम्मानित जिल्ला अदालत कैलालीको फैसलाले चेक अनादर मुद्दामा रु.५,०१,०००।–(पाँच लाख एक हजार) र जाल साक्षी मुद्दामा रु.८,६०,०००।-(आठ लाख साठी हजार) जरिवाना ठहर भई फरार रहेकी जिल्ला कैलाली, धनगढी उ.म.न.पा.८ बस्ने बर्ष ४० की चन्द्रादेवी बोहरालाई आईतबार जिल्ला प्रहरी कार्यालय कैलालीबाट खटिएको प्रहरी टोलीले पक्राउ गरेको हो । फैसला कार्यान्वयनको लागि निजलाई प्रहरीले सम्मानित अदालत समक्ष पेश गरेको हो ।

सम्बन्धित समाचार

अबैध भन्सार छलिका सामान नियन्त्रणमा

२०८२-०९-०३

कञ्चनपुर :- मिति २०८२।०९।०२ गते १३:०० बजेको समयमा जिल्ला कञ्चनपुर, भिमदत्त न.पा.९ ब्रह्मदेब बजारबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.३,८२,५००।–बराबरको मोवाईल कभर, विभिन्न किसिमका खेलौना (डल, रिमोट कार) लगायतका सामानहरु जिल्ला प्रहरी कार्यालय कञ्चनपुरबाट खटिएको प्रहरी गस्ती टोलीले बेबारिसे अवस्थामा फेला पारी नियन्त्रणमा लिएको ।

फरार प्रतिबादी पक्राउ

२०८२-०९-०३

कैलाली:- फैसला कार्यान्वयनको सिलसिलामा सम्मानित जिल्ला अदालत कैलालीको फैसलाले सवारी ज्यान मुद्दामा १ महिना कैद सजाय र रु.२,०००।– जरिवाना तोकिएको जिल्ला कञ्चनपुर, शुक्लाफाटा १२ राष्‍टीय निकुन्ज बस्ने मान बहादुर रानालाई जिल्ला प्रहरी कार्यालय कैलालीबाट खटिएको प्रहरी टोलीले मिति २०८२।०९।०२ गते पक्राउ गरेको । कञ्चनपुर:- फैसला कार्यान्वयनको सिलसिलामा सम्मानित जिल्ला अदालत कञ्चनपुरको मिति २०५१।०९।०५ गतेको फैसलाले बन मुद्दामा ३ महिना कैद सजाय र रु.५,१४४।- जरिवाना तोकिएको जिल्ला कञ्चनपुर, कृष्णपुर न.पा.४ गुलरिया बस्ने बर्ष ७२ को कर्ण देव धिक्तलाई इलाका प्रहरी कार्यालय झलारी, कञ्चनपुरबाट खटिएको प्रहरी टोलीले मिति २०८२।०८।२५ गते निजकै घर ठेगानाबाट पक्राउ गरेको ।

मृत अवस्थामा फेला

२०८२-०९-०२

बैतडी:- मिति २०८२।०९।०१ गते १६:०० बजेको समयमा जिल्ला बैतडी, मेलौली न.पा.२ सलेना बस्ने बर्ष ७२ की लक्ष्मी भट्ट स्याउला काटन भनि घर नजिकै जंगल गएकीमा ऐ. स्थित ल्वापा भिर भन्ने स्थानमा लडी मृत अवस्थामा फेला परेकी हुन ।

अबैध भन्सार छलिका सामान सहित मानिस पक्राउ

२०८२-०९-०२

दार्चुला:- मिति २०८२।०९।०१ गते १७:२५ बजेको समयमा जिल्ला दार्चुला, महाकाली न.पा.४ बाङ्गाबगर लास्सुखोला दोभान स्थित महाकाली नदिको किनारामा जिल्ला बझाङ, दुर्गाथली गा.पा.६ घर भई हाल जिल्ला दार्चुला, महाकाली न.पा.४ प्रेम शालिक स्थित कोठा गरी बस्ने वर्ष ३५ को शेर बहादुर महता र देश भारत पिथौरागढ जिल्ला सिरखा, उत्तराखण्ड घर भई हाल भारतको धार्चुला बजार बस्ने वर्ष २४ को भासु बुढाथोकिलाई नेपालबाट महाकाली नदी पार गरी भारत तर्फ भन्सार छलि गरि लैजादै गरेका अन्दाजी मूल्य रु.७९,०००।– बराबरको लेडिज कटराईज पाईन्ट, लेडिज ट्राउजर, कटराइज पाइन्ट लगायतका सामानहरु सामुदायिक सेवा केन्द्र बाङगाबगर, दार्चुलाबाट खटिएको प्रहरी टोलीले फेला पारी उक्त सामान र निजहरु दुवै जनालाई नियन्त्रण लिएको ।

अबैध भन्सार छलिका सामान नियन्त्रणमा

२०८२-०९-०२

कञ्चनपुर:- मिति २०८२।०९।०१ गते कञ्चनपुर जिल्लाको बिभिन्न स्थानहरु भिमदत्त न.पा.४ भगतपुर र दोधारा चाँदनी न.पा.९ देउरालीघाटबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.१६,६२,०००।– बराबरको कुर्षी, किराना लगायतका सामानहरु जिल्ला प्रहरी कार्यालय कञ्चनपुर तथा मातहत कार्यालयबाट खटिएको प्रहरी गस्ती टोलीले वेबारिसे अवस्थामा फेला पारी नियन्त्रणमा लिएको ।

अबैध लागूऔषध सहित मानिस नियन्त्रणमा

२०८२-०९-०२

कैलाली:- मिति २०८२।०९।०१ गते १३:०० बजेको समयमा जिल्ला कैलाली, टिकापुर न.पा.९ खक्रौला चेकपोष्ट नजिकबाट ऐ.१ ब्लक नम्वर १२ बस्ने बर्ष २१ को सुरेन्द्र थ्यायतलाई शंका लागि चेकजाँच गर्दा निजको साथबाट ३७० मिलिग्राम लागूऔषध खैरो हेरोइन जस्तो देखिने धुलो पदार्थ फेला पारी उक्त पदार्थ सहित निजलाई इलाका प्रहरी कार्यालय टिकापुर र प्रहरी चौकी कालाकुण्डा, कैलालीबाट संयुक्त रुपमा खटिएको प्रहरी टोलीले नियन्त्रणमा लिएको, थप अनुसन्धान भईरहेको । यसैगरी, मिति २०८२।०९।०१ गते १८:४० बजेको समयमा जिल्ला कैलाली, लम्कीचुहा न.पा. १ भुरुवा स्थित भित्री सडक खण्डबाट सोही ठाउँ बस्ने बर्ष १९ को करन नेपालिलाई शंका लागि चेकजाँच गर्दा निजको साथबाट ६६० मिलिग्राम लागूऔषध खैरो हेरोइन जस्तो देखिने धुलो पदार्थ फेला पारी उक्त पदार्थ सहित निजलाई इलाका प्रहरी कार्यालय लम्की, कैलालीबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको । यसैगरी, मिति २०८२।०९।०१ गते १९:०० बजेको समयमा जिल्ला कैलाली, टिकापुर न.पा.९ खक्रौला स्थित सडकखण्डबाट ऐ.३ कटानपुर बस्ने बर्ष २० को बिशाल बि.क.लाई शंका लागि चेकजाँच गर्दा निजको साथबाट १ ग्राम १०० लागूऔषध खैरो हेरोइन जस्तो देखिने धुलो पदार्थ फेला पारी उक्त पदार्थ सहित निजलाई इलाका प्रहरी कार्यालय टिकापुर, कैलालीबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको ।