सवारी दुर्घटनामा मृत्यु

२०८१-०२-२२

A
A^-
A⁺

कैलाली:- मिति २०८१।०२।२१ गते २०:३५ बजेको समयमा जिल्ला कैलाली, घोडाघोडी न.पा.४ भालुफटा स्थित पुर्व-पश्चिम राजमार्गमा पुर्व देखी पश्चिम तर्फ गईरहेको से ७ प १८७८ नम्बरको मोटरसाईकलले सोही ठाउँ बस्ने बर्ष अन्दाजी ५०/५१ को पैदलयात्री नर बहादुर धामीलाई ठक्कर दिदा गम्भिर घाईते भई घोडाघोडी अस्पताल सुखड, कैलाली हुँदै निसर्ग अस्पताल धनगढीमा उपचारको क्रममा मृत्यु भएको, मोटरसाईकल चालक ऐ. ४ बस्ने बर्ष ४५ को टेकेन्द्र नेपालीको घोडाघोडी अस्पताल सुखड कैलालीमा उपचार भईरहेको, उक्त मोटरसाईकल प्रहरीले नियन्त्रणमा लिई आवश्यक अनुसन्धान गरिरहेको

सम्बन्धित समाचार

अबैध लागूऔषध सहित मानिस नियन्त्रणमा

२०८२-१२-१४

कञ्चनपुर:- बेदकोट नगरपालिका १० राना दैजी स्थित सडक खण्डबाट अवैध लागूऔषध खैरो हिरोईन जस्तो देखिने धुलो पदार्थ ६ ग्राम ६९० मिलिग्राम सहित ३ जनालाई शुक्रबार दिउँसो प्रहरीले पक्राउ गरेको छ । पक्राउ पर्नेहरूमा सोही नगरपालिका २ बस्ने बर्ष ३९ को केशव खत्री र भिमदत्त नगरपालिका १५ बस्ने बर्ष २७ की रेखा थापा र ऐ. १८ बस्ने बर्ष २६ को कमल चन्द रहेका छन् । लागूऔषधको कारोबार तथा ओसार पसार भई रहेको छ भन्ने गोप्य सुचनाको आधारमा जिल्ला प्रहरी कार्यालय कञ्चनपुर समेतबाट खटिएको प्रहरी टोलीले म १ च ७०८ नम्बरको बोलेरो जीपमा सवार उनीहरूलाई चेकजाँच गर्दा उक्त पदार्थ फेला पारि उक्त पदार्थ, जीप सहित निजहरु तिनै जनालाई पक्राउ गरेको हो । साथै जीप चालक बेदकोट नगरपालिका १० बस्ने बर्ष २९ को केशव बिष्ट भागि फरार रहेकाले निजको खोजतलास भईरहेको छ ।

फरार प्रतिबादी पक्राउ

२०८२-१२-१४

डडेल्धुरा:- फैसला कार्यान्वयनको सिलसिलामा सम्मानित जिल्ला अदालत डडेल्धुराको फैसलाले लागूऔषध मुद्दामा ३ महिना २५ दिन कैद सजाय र रु.३५,०००।- जरिवाना तोकिएको जिल्ला डडेल्धुरा, नवदुर्गा गा.पा.२ बर्ष २८ को खेम राज भट्टलाई अस्थायी प्रहरी पोष्ट बेडुपानी, डडेल्धुराबाट खटिएको प्रहरी टोलीले मिति २०८२।१२।१३ गते निजकै घर ठेगानाबाट पक्राउ गरेको ।

अबैध भन्सार छलिका सामान नियन्त्रणमा

२०८२-१२-१४

कैलाली:- कैलाली जिल्लाको बिभिन्न स्थानहरु धनगढी उ.म.न.पा.९ त्रिबेणीघाट र टिकापुर न.पा.९ बालुवाटारबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.५८,२००।– बराबरको चिनी, बिडी, सुर्ति, माछा लगायतका सामानहरु शुक्रबार जिल्ला प्रहरी कार्यालय कैलाली मातहत प्रहरी कार्यालयबाट खटिएको प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।

मृत अवस्थामा फेला

२०८२-१२-१३

कैलाली:- जिल्ला कैलाली चुरे गा.पा.०५ भासु गाउ बस्ने बर्ष ४७ को दुर्गा अर्खाली घर नजिकैको जंगलमा बाख्रा चराउन गएकोमा राति पर्दा समेत घरमा नआउदा घर परिवारले खोज तलास गर्दै जाँदा भिरमा लडी विहीवार राती मृत अवस्थामा फेला परेका हुन । घटना सम्बन्धमा प्रहरीले आवश्यक अनुसन्धान गरिरहेको छ ।

अबैध भन्सार छलिका सामान नियन्त्रणमा

२०८२-१२-१३

कैलाली:- कैलाली जिल्लाको बिभिन्न स्थानहरु धनगढी उ.म.न.पा.०२ हल्दुघाट र ऐ.०३ त्रिनगर व्यारेलबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.१,०५,०००।– बराबरको चिनी, पेयपदार्थ, बिडी, सुर्ति, चुरोट लगायतका सामानहरु शनिबार जिल्ला प्रहरी कार्यालय कैलाली मातहत प्रहरी कार्यालयबाट खटिएको प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।

अबैध भन्सार छलिका सामान नियन्त्रणमा

२०८२-१२-१२

कञ्चनपुर:- कञ्चनपुर जिल्लाको बिभिन्न स्थानहरु भिमदत्त न.पा.४ बसपार्क, दोधारा चाँदनी न.पा.७ कञ्चभोज र बेलौरी न.पा.१० सडकघाटबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.३,४७,४५९।– बराबरको चिनी, पेय पदार्थ, सुर्ति, थान कपडा, जुत्ता, चप्पल, कट्टु, हार्डवेयर लगायतका सामानहरु बुधबार जिल्ला प्रहरी कार्यालय कञ्चनपुर तथा मातहत कार्यालयहरुबाट खटिएको प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।