अबैध भन्सार छलिका सामान नियन्त्रणमा

२०८३-०५-१९

A
A^-
A⁺

कैलाली:- कैलाली जिल्लाको विभिन्न स्थानहरुबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.१,४५,२५०।– बराबरको चिनी, बिडी, सुर्ति, चियापत्ति, कुर्ति, सुटपिस लगायतका सामानहरु बिहीबार जिल्ला प्रहरी कार्यालय कैलाली तथा मातहतबाट खटिएको प्रहरीले बेवारिसे अवस्थामा फेला पारी आवश्यक प्रक्रिया पुरा गरी नियन्त्रणमा लिएको छ ।

सम्बन्धित समाचार

भरुवा बन्दुक सहित मानिस पक्राउ

२०८३-०५-१९

अछाम:- जिल्ला अछाम मेल्लेख गा.पा.६ सिमसेली बस्ने वर्ष ३३ को भिम बहादुर खत्रीले आफ्नै गाई गोठमा भरुवा बन्दुक लुकाई छिपाई राखेको अवस्थामा बिहीबार दिउँसो इलाका प्रहरी कार्यालय साँफेबगर, अछामबाट खटिएको प्रहरी टोलीले निजको घरगोठमा खानतलासी गर्दा उक्त बन्दुक फेला पारी बन्दुक सहित निजलाई पक्राउ गरेको छ । यस सम्बन्धमा प्रहरीले थप अनुसन्धान गरिरहेको छ ।

फरार प्रतिवादी पक्राउ

२०८३-०५-१९

दार्चुला:- फैसला कार्यान्वयनको सिलसिलामा सम्मानित जिल्ला अदालत दार्चुलाको मिति २०८३।०१।२३ गतेको फैसलाले जुवातास मुद्दामा २७ दिन कैद सजाय र रु.२००।- (दुई सय) जरिवाना तोकिएको महाकाली न.पा.०४ बस्ने वर्ष २९ को अशोक सिंह कुवरलाई जिल्ला प्रहरी कार्यालय दार्चुलाबाट खटिएको प्रहरी टोलीले बिहीबार दिउँसो पक्राउ गरेको छ ।

अबैध लागुऔषध सहित मानिस नियन्त्रणमा

२०८३-०५-१९

कैलाली:- जिल्ला कैलाली धनगढी उ.म.न.पा.७ मोति चोकबाट अवैध लागूऔषध ब्राउनसुगर जस्तो देखिने धुलो पदार्थ १८० मिलिग्राम सहित सोही उ.म.न.पा.१५ बस्ने वर्ष २२ को राधेश्याम चौधरीलाई जिल्ला प्रहरी कार्यालय कैलालीबाट खटिएको प्रहरी टोलीले बिहीबार दिउँसो शंका लागि चेकजाँच गर्दा उक्त पदार्थ फेला पारी पक्राउ गरेको छ । यसैगरी, जिल्ला कैलाली धनगढी उ.म.न.पा.८ कान्तिपुर टोलबाट अवैध लागूऔषध ब्राउनसुगर जस्तो देखिने धुलो पदार्थ १ ग्राम ६६० मिलिग्राम सहित सोही ठाउँ बस्ने वर्ष १९ प्रबत चौधरी, कैलारी गा.पा.५ बस्ने वर्ष २० को सुजित चौधरी र ऐ. बस्ने वर्ष ४२ को श्याम बहादुर चौधरीलाई जिल्ला प्रहरी कार्यालय कैलालीबाट खटिएको प्रहरी टोलीले बिहीबार बेलुकी शंका लागि चेकजाँच गर्दा उक्त पदार्थ फेला पारी पक्राउ गरेको छ ।

फरार प्रतिवादी पक्राउ

२०८३-०५-१८

दार्चुला:- फैसला कार्यान्वयनको सिलसिलामा सम्मानित जिल्ला अदालत दार्चुलाको फैसलाले हाड नाता करणी मुद्दामा जनहि १ वर्ष १ महिना कैद र रु.१०,०००/- (दश हजार) जरिवाना तोकि फरार रहेका जिल्ला दार्चुला नौगाड गा.पा.वडा नं ६ बस्ने वर्ष २३ को पदम सिँह धामी र ऐ.ऐ. बस्ने वर्ष २२ कि गोबिन्दी धामीलाई जिल्ला प्रहरी कार्यालय दार्चुलाबाट खटिएको प्रहरी टोलीले बुधबार पक्राउ गरेको छ ।

अबैध भन्सार छलिका सामान नियन्त्रणमा

२०८३-०५-१८

कैलाली:- कैलाली जिल्लाको विभिन्न स्थानहरुबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.७७,०००।– बराबरको कपडा,प्लाष्टिक पोलिथिन लगायतका सामानहरु बुधबार जिल्ला प्रहरी कार्यालय कैलाली तथा मातहतबाट खटिएको प्रहरीले बेवारिसे अवस्थामा फेला पारी आवश्यक प्रक्रिया पुरा गरी नियन्त्रणमा लिएको छ । कञ्चनपुर:- जिल्ला कञ्चनपुर भि.न.पा. वडा नं ११ गड्डाचौकी स्थितबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.१,०६,९००।– बराबरको पटाकाहरु बुधबार इलाका प्रहरी कार्यालय गड्डाचौकी,कञ्चनपुरबाट खटिएको प्रहरीले बेवारिसे अवस्थामा फेला पारी आवश्यक प्रक्रिया पुरा गरी नियन्त्रणमा लिएको छ ।

अवैध लागूऔषध सहित मानिस नियन्त्रणमा

२०८३-०५-१७

कञ्चनपुर:- जिल्ला कञ्चनपुर कृष्णपुर न.पा.८ कान्तिपुर स्थित गोप्य सुचनाको आधारमा अवैध लागूऔषध खैरो हिरोइन जस्तो देखिने धुलो पदार्थ ७९० मिलिग्राम र नगद रु.८,१९०।- सहित सोही ठाउँ बस्ने वर्ष २९ को दिनेश चौधरी र जिल्ला कैलाली, गोदावरी न.पा.५ बस्ने वर्ष २२ को शुसिल चौधरीलाई मंगलबार दिउँसो इलाका प्रहरी कार्यालय रैकवार, कञ्चनपुरबाट खटिएको प्रहरी टोलीले दिनेश चौधरीको घरकोठा खानतलासी गर्दा पोका वनाई रहेको अवस्थामा उक्त पदार्थ फेला पारी पक्राउ गरेको छ ।