जुवातास खेलिरहेको अबस्थामा २६ जना पक्राउ
२०८१-०७-१४
- A
- A-
- A+
कैलाली:- मिति २०८१।०७।१४ गते ०१:२० बजेको समयमा जिल्ला कैलाली, गोदावरी न.पा. ८ हरीनगर बस्ने प्रदिप भुलको घरबाट जुवातास खेलिरहेको अवस्थामा निज प्रदिप भुल सहित ९ (नौ) जनालाई इलाका प्रहरी कार्यालय मालाखेती, कैलालीबाट खटिएको प्रहरी टोलीले नगद रु. ६१,२३०।-, २ गड्डी तास र बा.प्र.०२-०४१ प १८५४ नम्बरको स्कुटी सहित पक्राउ गरेको, सो सम्बन्धमा थप अनुसन्धान भईरहेको ।
कञ्चनपुर :- मिति २०८१।०७।१४ गते ००:३० बजेको समयमा जिल्ला कञ्चनपुर, भिमदत्त न.पा. ५ बनगाँउ स्थित बर्ष ३२ को भिम घटालको घरबाट जुवातास खेलिरहेको अवस्थामा निज भिम घटाल सहित १२ (बाह्र) जनालाई जिल्ला प्रहरी कार्यालय कञ्चनपुरबाट खटिएको प्रहरी टोलीले नगद रु. ८२,३२२।- र ६ गड्डी तास सहित पक्राउ गरेको, सो सम्बन्धमा थप अनुसन्धान भईरहेको ।
बझाङ :- मिति २०८१।०७।१४ गते ०२:४० बजेको समयमा जिल्ला बझाङ, जयपृथ्वी न.पा.९ सिमखेत बस्ने बर्ष ६५ को बजुर खड्काको कुखुरा फर्मबाट जुवातास खेलिरहेको अवस्थामा निज बजुर खड्कासहित ५ (पाँच) जनालाई जिल्ला प्रहरी कार्यालय बझाङबाट खटिएको प्रहरी टोलीले नगद रु. ६६,१३०।- र २ गड्डी तास सहित पक्राउ गरेको, सो सम्बन्धमा प्रहरीले थप अनुसन्धान गरिरहेको छ ।