कञ्चनपुर:- लागु औषधको कारोबार भई रहेको भन्ने गोप्य सुचनाको आधारमा जिल्ला कञ्चनपुर भिमदत्त न.पा.४ चम्मचोक स्थित न्यु तहल्का होटल एण्ड लजको कोठा नं. १०६ मा जिल्ला कञ्चनपुर बेदकोट न.पा. वडा नं.७ बस्ने बर्ष अ.३४ को मनोज राज भट्टलाई लागु औषध खैरो हेरोईन जस्तो देखिने धुलो पदार्थ सेवन गरिरहेको अवस्थामा फेला पारी निजको साथबाट शुद्ध तौल ३ ग्राम लागु औषध खैरो हेरोईन जस्तो देखिने धुलो पदार्थ लागु औषध ब्युरो शाखा कार्यालय महेन्द्रनगर कञ्चनपुर र जिल्ला प्रहरी कार्यालय कञ्चनपुरबाट खटिएको संयुक्त प्रहरी टोलीले शनिवार साँझ फेला पारी उक्त पदार्थ सहित निजलाई नियन्त्रणमा लिएको । यस सम्बन्धमा प्रहरीले आवश्यक अनुसन्धान गरिरहेको छ ।