फरार प्रतिवादी पक्राउ

२०८१-०६-२५

A
A^-
A⁺

कैलाली:- सम्मानित कैलाली जिल्ला अदालतको फैसलाले लागु औषध(खैरो हेरोईन) मुद्दामा १ महिना २० दिन कैद तोकीई फरार रहेको प्रतिवादी जिल्ला कैलाली जानकी गा.पा.१ तोरैयापुर बस्ने बर्ष २६ को ओमकार डेमन रौरा थारुलाई मिति ०८१/०६/२४ गते १६:०० बजे ईलाका प्रहरी कार्यालय टीकापुरबाट खटिएको प्रहरी टोलीले निजको घर ठेगानाबाट नियन्त्रणमा लिएको, सम्मानित कैलाली जिल्ला अदालतमा उपस्थित गराउने पहल भईरहेको ।

सम्बन्धित समाचार

अबैध भन्सार छलिका सामान नियन्त्रणमा

२०८३-०५-०७

कैलाली:- कैलाली जिल्लाको विभिन्न स्थानहरुबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.५,९३,७३०।– बराबरको बिडी, सुर्ति, विभिन्न किसिमका कपडा र किराना लगायतका सामानहरु शनिवार जिल्ला प्रहरी कार्यालय कैलाली तथा मातहत कार्यालयबाट खटिएको प्रहरी टोलीले बेवारिसे अवस्थामा फेला पारी आवश्यक प्रक्रिया पुरा गरी नियन्त्रणमा लिएको छ । कञ्चनपुर:- जिल्ला कञ्चनपुर बेलौरी न.पा. वडा नं ६ वैशाखा स्थितबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.६९,१००।– बराबरको बिडी, सुर्ति, कपडा र किराना लगायतका सामानहरु शनिवार इलाका प्रहरी कार्यालय बेलौरी,कञ्चनपुरबाट खटिएको प्रहरी टोलीले बेवारिसे अवस्थामा फेला पारी आवश्यक प्रक्रिया पुरा गरी नियन्त्रणमा लिएको छ ।

भिरबाट लडेर मृत्यू

२०८३-०५-०७

दार्चुला:- जिल्ला दार्चुला शैल्यशिखर न.पा. वडा नं ४ मल्लो काँडापारी बस्ने वर्ष १९ की ललिता ठगुन्ना शनिवार घाँस काट्ने क्रममा सोही ठाउँ स्थित भिरबाट लडेर अन्दाजी २०० मिटर तल खसेर गम्भिर घाईते हुँदा उपचारको लागि गोकुलेश्वर अस्पताल गोकुलेश्वर दार्चुला ल्याउँदै गरेको अवस्थामा बाटोमै मृत्यु भएको हो ।

अवैध लागूऔषध सहित मानिस नियन्त्रणमा

२०८३-०५-०७

कञ्चनपुर:- जिल्ला कञ्चनपुर भिमदत्त न.पा.४ मिनि मार्केट स्थितबाट अवैध लागूऔषध ब्राउनसुगर जस्तो देखिने पदार्थ १ ग्राम ८४० मिलिग्राम सहित जिल्ला कञ्चनपुर दोधारा चाँदनी न.पा.वडा नं १ पशुपति टोल बस्ने वर्ष २४ को जनक खड्कालाई शनिवार दिउँसो जिल्ला प्रहरी कार्यालय कञ्चनपुरबाट खटिएको प्रहरी टोलीले चेकजाँच गर्दा उक्त पदार्थ फेला पारी पक्राउ गरेको छ । यसैगरी, जिल्ला कञ्चनपुर भिमदत्त न.पा. वडा नं ११ होल्डिङ सेन्टर स्थितबाट अवैध लागूऔषध ब्राउनसुगर जस्तो देखिने पदार्थ ४ ग्राम ५७ मिलिग्राम सहित जिल्ला कञ्चनपुर शुक्लाफाटा न.पा. वडा नं ८ झलारी बस्ने वर्ष २३ को धिरेन्द्र महरालाई शनिवार दिउँसो इलाका प्रहरी कार्यालय गड्डाचौकी, कञ्चनपुरबाट खटिएको प्रहरी टोलीले शंका लागि चेकजाँच गर्दा उक्त पदार्थ फेला पारी पक्राउ गरेको छ । यस सम्बन्धमा प्रहरीले आवश्यक अनुसन्धान गरिरहेको छ ।

फरार प्रतिवादी पक्राउ

२०८३-०५-०६

कैलाली:- फैसला कार्यान्वयनको सिलसिलामा सम्मानित जिल्ला अदालत कैलालीको फैसलाले सवारी ज्यान मुद्दामा ३ वर्ष कैद सजाय र रु.३०,०००।- ( तिस हजार ) जरिवाना तोकिएको जानकी गा.पा.८ बस्ने बर्ष ४० को रामस्वरुप चौधरीलाई इलाका प्रहरी कार्यालय टीकापुर, कैलालीबाट खटिएको प्रहरी टोलीले शुक्रबार दिउँसो निजकै घर ठेगानाबाट पक्राउ गरेको छ । डोटी:- फैसला कार्यान्वयनको सिलसिलामा सम्मानित जिल्ला अदालत बाजुराको मिति २०७५।०८।११ गतेको फैसलाले सवारी ज्यान मुद्दामा ३ महिना २२ दिन कैद सजाय तोकिएको बडिकेदार गा.पा.४ मन्नाकपाडी बस्ने वर्ष ३६ को चन्द्र बहादुर मन्नीलाई जिल्ला प्रहरी कार्यालय डोटीबाट खटिएको प्रहरी टोलीले शुक्रबार दिउँसो सिलगढी बजारबाट पक्राउ गरेको छ । अछाम:- फैसला कार्यान्वयनको सिलसिलामा सम्मानित जिल्ला अदालत अछामको मिति २०८३।०१।२४ गतेको फैसलाले हातहतियार सम्बन्धी मुद्दामा ६ महिना कैद सजाय र रु.५,०००।- ( पाँच हजार ) जरिवाना तोकिएको मंगलसेन न.पा.३ बस्ने मोहन बम बोगटीलाई प्रहरी चौकी मंगलसेन, अछामबाट खटिएको प्रहरी टोलीले शुक्रबार दिउँसो निजकै घर ठेगानाबाट पक्राउ गरेको छ ।

अवैध लागूऔषध सहित मानिस नियन्त्रणमा

२०८३-०५-०६

कञ्चनपुर:- जिल्ला कञ्चनपुर भिमदत्त न.पा.११ गड्डाचौकीबाट अवैध लागूऔषध खैरो हेरोइन जस्तो देखिने पदार्थ ७० मिलिग्राम सहित सोही न.पा.५ सुकासाल बस्ने वर्ष २७ को सुरज लुहारलाई शुक्रबार दिउँसो लागूऔषधको कारोबार गरी रहेको छ भन्ने गोप्य सुचनाको आधारमा इलाका प्रहरी कार्यालय गड्डाचौकी, कञ्चनपुरबाट खटिएको प्रहरी टोलीले चेकजाँच गर्दा उक्त पदार्थ फेला पारी पक्राउ गरेको छ ।

लोडर दुर्घटना हुँदा १५ वर्षिय वालकको मृत्यु

२०८३-०५-०६

कैलाली:- जिल्ला कैलाली जानकी गा.पा.७ चिलिम चौराहा स्थित सु.प.प्र.०१-००१ स ५४३९ नम्बरको पानी बोक्ने लोडर अनियन्त्रीत भई शुक्रबार राति दुर्घटना हुँदा लोडरमा सवार टीकापुर न.पा.१ बनगाँउ बस्ने १५ वर्षिय लक्ष्मण घर्ती मगर गम्भीर घाइते भई उपचारको लागि टीकापुर अस्पताल टीकापुर लगिएकोमा उपचारको क्रममा गएराति मृत्यु भएको छ । साथै उक्त लोडरमा चालक सहित ४ जना सवार रहेकोमा अन्य ३ जना र लोडर इलाका प्रहरी कार्यालय टिकापुर, कैलालीबाट खटिएको प्रहरी टोलीले नियन्त्रणमा लिएको छ । दुर्घटना सम्बन्धमा अनुसन्धान भईरहेको छ ।