करेन्ट लागेर मृत्यु

२०८३-०२-१६

A
A^-
A⁺

डडेल्धुरा:- जिल्ला डडेल्धुरा आलिताल गा.पा.१ बन्ताल बस्ने बर्ष १६ को अनिल बि.क.को शुक्रबार बेलुकी करेन्ट लागेर मृत्यु भएको छ । निजलाई आफ्नै घरको सुत्ने कोठामा मोबाइल चार्जमा लगाई मोबाइल चलाउने क्रममा करेन्ट लागी गम्भिर घाइते भई उपचारको लागी डडेल्धुरा अस्पताल डडेल्धुरा लगिएकोमा चिकित्सकले चेकजाँच गर्दा मृत घोषणा गरेको हो ।

सम्बन्धित समाचार

फरार प्रतिवादी पक्राउ

२०८३-०२-१६

बझाङ:- फैसला कार्यान्वयनको सिलसिलामा सम्मानित जिल्ला अदालत बझाङको मिति २०७०।१०।०२ गतेको फैसलाले कर्तव्य ज्यान मुद्दामा १ वर्ष ११ महिना १२ दिन कैद सजाय तोकिएको केदारस्यु गा.पा.३ बस्ने बर्ष ५५ को बिर्ख खातीलाई जिल्ला प्रहरी कार्यालय बझाङबाट खटिएको प्रहरीले शुक्रबार निजकै घर ठेगानाबाट पक्राउ गरेको हो ।

अबैध लागूऔषध सहित मानिस नियन्त्रणमा

२०८३-०२-१६

बझाङ:- जिल्ला बझाङ केदारस्यु गा.पा.९ झोता बजार स्थित अनिल होटेलबाट ८०० मिलिग्राम लागूऔषध खैरो हेरोईन जस्तो देखिने धुलो पदार्थ सहित २ जनालाई शुक्रबार राति प्रहरीले पक्राउ गरेको छ । पक्राउ पर्नेहरूमा सोही गा.पा.१ बस्ने १८ वर्षिय किशोर र जयपृथ्वी न.पा.१० बस्ने वर्ष २२ को प्रकाश श्रेष्ठ रहेका छन । लागूऔषध सेवन गरिरहेका छन भन्ने विशेष सुचनाको आधारमा अस्थायी प्रहरी प्रहरी पोष्ट झोता, बझाङबाट खटिएको प्रहरीले उनीहरूलाई होटेलको कोठाबाट उक्त पदार्थ सहित पक्राउ गरेको हो ।

अबैध भन्सार छलिका सामान नियन्त्रणमा

२०८३-०२-१६

कैलाली:- जिल्ला कैलाली टिकापुर न.पा.९ खैरीपुर स्थित सडक खण्डबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.१,३३,०००।– बराबरको हाफ सर्ट, भेस्ट लगायतका सामानहरु शुक्रबार प्रहरी चौकी सत्ति, कैलालीबाट खटिएको प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो । कञ्चनपुर:- जिल्ला कञ्चनपुर भीमदत्त न.पा. ४ तरकारी वजारबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.२८,८००।– बराबरको माछा शुक्रबार जिल्ला प्रहरी कार्यालय कञ्चनपुरबाट खटिएको प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।

अटोको ठक्करबाट पैदल यात्रीको मृत्यु

२०८३-०२-१५

कैलाली:- जिल्ला कैलाली गोदावरी न.पा.१ बनखेत स्थित पुर्व पश्विम राजमार्गमा पुर्वबाट अत्तरियातर्फ आउँदै गरेको भि.न.पा.००-१ ह ०८७० नम्बरको अटोको ठक्करबाट सोही ठाउँ बस्ने पैदल यात्री बर्ष ६० की पशुपति नेपालीको विहीबार वेलुकी मृत्यु भएको छ । दुर्घटनामा गम्भीर घाइते भएकी उनलाई निसर्ग अस्पताल धनगढीमा चिकित्सकले चेकजाँच गर्दा मृत्यु घोषण गरेको हो । अटो र अटो चालक सोही न.पा.११ ओलानी बस्ने बर्ष ५५ को प्रेम परियारलाई प्रहरीले नियन्त्रणमा लिएको छ । दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।

भरुवा वन्दुक बरामद

२०८३-०२-१५

बाजुरा:- जिल्ला बाजुरा बडिमालिका न.पा.६ आडेकोर्ध जङ्गलको बिचमा जिर्ण अवस्थामा रहेको छानो भित्र खरमुनि लुकाई छिपाई राखेको बेबारिसे अवस्थामा भरुवा बन्दुक १ नाल विहीबार दिउँसो प्रहरीले बरामद गरेको छ । जिल्ला प्रहरी कार्यालय बाजुराबाट खटिएको प्रहरीले उक्त भरुवा बन्दुक फेला पारी बरामद गरेको हो । यस सम्बन्धमा प्रहरीले थप अनुसन्धान गरिरहेको छ ।

अबैध लागूऔषध सहित मानिस नियन्त्रणमा

२०८३-०२-१५

कञ्चनपुर:- जिल्ला कञ्चनपुर पुनर्वास न.पा.११ अमरबस्ती मसानघाटबाट १ ग्राम ३६० मिलिग्राम लागूऔषध खैरोहेरोइन जस्तो देखिने धुलो पदार्थ धनगढी उ.म.न.पा.१५ उर्मी बस्ने बर्ष २४ को राम मोहन राना समेत ३ जनालाई विहीबार साँझ प्रहरीले पक्राउ गरेको छ । प्रहरी चौकी परासन, कञ्चनपुरबाट खटिएको प्रहरीले अमरबस्तीबाट धनगढीतर्फ आउँदै गरेको से ४ प ८९६९ नम्बरको मोटरसाइकलमा सवार निजहरु लाई शंका लागि चेकजाँच गर्दा उक्त पदार्थ फेला पारि तिनै जनालाई उक्त पदार्थ, मोटरसाइकल सहित पक्राउ गरेको हो ।