डोटी, केआईसिंह गाउँपालिका-४ बास्कोटस्थित सडकमा वायलबाट देउरडीतर्फ जाँदै गरेको सु.प.प्र-०१-००१ ह ८६८४ नम्बरको अटो बिहीबार दिउँसो दुर्घटना हुँदा अटोमा सवार सोही गाउँपालिका-३ डल्ला बस्ने ५५ वर्षीया लछु ऐरको मृत्यु भएको छ । दुर्घटनामा गम्भीर घाइते भएकी उनको सुजङ अस्पताल राजपुर हुँदै थप उपचारको लागी धनगढीतर्फ लैजाने क्रममा बाटोमै मृत्यु भएको हो । साथै दुर्घटनामा घाइते भएका अटोमा सवार ३ जनाको सुजङ अस्पताल राजपुरमा र १ जनालाई थप उपचारको लागी धनगढीतर्फ पठाइएको छ । अटो चालकलाई प्रहरीले नियन्त्रणमा लिएको छ ।