करेन्ट लागेर मृत्यु

२०८३-०५-०५

A
A^-
A⁺

कैलाली, लम्कीचुहा नगरपालिका-७ हरैयापुर बस्ने ७० वर्षीया गोमा जाग्रीको करेन्ट लागेर बिहीबार राति मृत्यु भएको छ । आफ्नै घर अगाडि कपडा सुकाउने क्रममा विजुलीको तारबाट करेन्ट लागेर गम्भीर घाइते भएकी उनको टीकापुर अस्पतालमा उपचारको क्रममा मृत्यु भएको हो ।

सम्बन्धित समाचार

डुबेर मृत्यु

२०८३-०५-०५

कैलाली, टीकापुर नगरपालिका-१ बिशालनगर बस्ने नेत्र थापाको छोरा २१ महिनाको बसन्त थापाको घर नजिकै रहेको रानी जमरा कुलोमा डुबेर बिहीबार साँझ मृत्यु भएको छ । डुबेर अशक्त भएका उनको टीकापुर अस्पतालमा उपचारको क्रममा मृत्यु भएको हो । यस सम्बन्धमा प्रहरीले आवश्यक अनुसन्धान गरिरहेको छ ।

मृत अवस्थामा फेला

२०८३-०५-०५

कैलाली, घोडाघोडी नगरपालिका-१ सुखड बजार बस्ने ७६ वर्षीया भागिरथी काफ्ले आफ्नै घरको आँगनमा बिहीबार मृत अवस्थामा फेला परेकी छिन् ।

छुट्टाछुट्टै सवारी दुर्घटनामा ६ जनाको मृत्यु

२०८३-०५-०५

डोटी, केआईसिंह गाउँपालिका-४ बास्कोटस्थित सडकमा वायलबाट देउरडीतर्फ जाँदै गरेको सु.प.प्र-०१-००१ ह ८६८४ नम्बरको अटो बिहीबार दिउँसो दुर्घटना हुँदा अटोमा सवार सोही गाउँपालिका-३ डल्ला बस्ने ५५ वर्षीया लछु ऐरको मृत्यु भएको छ । दुर्घटनामा गम्भीर घाइते भएकी उनको सुजङ अस्पताल राजपुर हुँदै थप उपचारको लागी धनगढीतर्फ लैजाने क्रममा बाटोमै मृत्यु भएको हो । साथै दुर्घटनामा घाइते भएका अटोमा सवार ३ जनाको सुजङ अस्पताल राजपुरमा र १ जनालाई थप उपचारको लागी धनगढीतर्फ पठाइएको छ । अटो चालकलाई प्रहरीले नियन्त्रणमा लिएको छ ।

मोटरसाइकल दुर्घटना हुँदा चालकको मृत्यु

२०८३-०५-०४

कैलाली:- जिल्ला कैलाली भजनी न.पा.४ कुडी स्थित भजनी सुख्खड सडक खण्डमा सु.प.प्र.०१-०१२ प १६५१ नम्बरको मोटरसाइकल सडक छेउमा रहेको सालको रुखमा ठक्कर खाई बुधबार राति दुर्घटना हुँदा मोटरसाइकल चालक सोही न.पा.१ मधुवन शिविर वस्ने बर्ष ३० को मुकेश चौधरी गम्भीर घाइते भई उपचारको लागी प्राथमिक स्वास्थ्य केन्द्र भजनी, कैलाली लगिएकोमा चिकित्सकले चेकजाँच गर्दा मृत घोषणा गरेको छ । दुर्घटना सम्बन्धमा प्रहरीले अनुसन्धान गरिरहेको छ ।

फरार प्रतिवादी पक्राउ

२०८३-०५-०४

डोटी:- फैसला कार्यान्वयनको सिलसिलामा सम्मानित जिल्ला अदालत डोटीको मिति २०८१।०६।१३ गतेको फैसलाले चोरी मुद्दामा २१ दिन कैद सजाय तोकिएको सायल गा.पा.३ सैना गाउँ बस्ने बर्ष ४० को खड्क बहादुर वोगटीलाई जिल्ला प्रहरी कार्यालय डोटीबाट खटिएको प्रहरी टोलीले बुधबार दिउँसो सिलगढी बजारबाट पक्राउ गरेको छ ।

अवैध भन्सार छलिका सामान नियन्त्रणमा

२०८३-०५-०४

कैलाली:- जिल्ला कैलाली धनगढी उ.म.न.पा.७ देवरिया स्थित बर्ष ३८ की निर्मला जोशीले घरमा भण्डारण गरी राखेको अवस्थामा अवैध रुपमा भारतबाट भन्सार छलि गरी ल्याएका अन्दाजी मूल्य रु.१,४२,०००।– बराबरको कुर्ति, धोति, गाउन लगायतका सामानहरु बुधबार दिउँसो जिल्ला प्रहरी कार्यालय, कैलालीबाट खटिएको प्रहरी टोलीले फेला पारी वरामद गरी उक्त सामान र निज निर्मला जोशीलाई आवश्यक कारवाहिको लागी भन्सार कार्यालय त्रिनगर, कैलालीमा पठाएको छ । कञ्चनपुर:- कञ्चनपुर जिल्लाको विभिन्न स्थानहरुबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.३१,१५०।– बराबरको पेय पदार्थ, खाने तेल, कुरकुरे, मलखाद लगायतका सामानहरु बुधबार जिल्ला प्रहरी कार्यालय कञ्चनपुर मातहत कार्यालयबाट खटिएको प्रहरीले बेवारिसे अवस्थामा फेला पारी आवश्यक प्रक्रिया पुरा गरी नियन्त्रणमा लिएको छ ।