चितुवाको छाला सहित दुई जना नियन्त्रणमा

२०८३-०७-२८

A
A^-
A⁺

कैलाली:- जिल्ला कैलाली धनगढी उ.म.न.पा.४ नयाँराम होटल नजिकबाट चितुवाको छाला थान-१ सहित जिल्ला बझाङ, छबिस पाथिभेरा गा.पा.३ बस्ने वर्ष ३६ को अशोक धामी र जिल्ला कैलाली, टीकापुर न.पा.३ बस्ने वर्ष ४७ की सिता देबी चौधरीलाई शुक्रबार दिउँसो शंकास्पद रुपमा हिडिरहेको अवस्थामा चेकजाँच गर्दा जिल्ला प्रहरी कार्यालय कैलालीबाट खटिएको प्रहरी टोलीले उक्त छाला सहित फेला पारी दुवै जनालाई नियन्त्रणमा लिई आवश्यक अनुसन्धान एवम् कारवाहीको लागी डिभिजन वन कार्यालय कैलालीमा बुझाइएको छ ।

सम्बन्धित समाचार

फरार प्रतिबादी पक्राउ

२०८३-०७-२७

कञ्चनपुर :- फैसला कार्यान्वयनको सिलसिलामा सम्मानित जिल्ला अदालत कञ्चनपुरको मिति २०७५।१०।२९ गतेको फैसलाले अवैध वन पैदावार मुद्दामा ११ महिना ४ दिन कैद सजाय तोकिएको भिमदत्त न.पा.७ हल्दुखाल बस्ने वर्ष ६३ को कर्ण बहादुर धानुकलाई जिल्ला प्रहरी कार्यालय कञ्चनपुरबाट खटिएको प्रहरी टोलीले बिहिबार निजकै घर ठेगानाबाट पक्राउ गरेको छ ।

आगलागीबाट बिभिन्न धनमाल जलेर नष्ट

२०८३-०७-२७

बाजुरा:- जिल्ला बाजुरा त्रिवेणी न.पा.६ पन्धारा बस्ने चन्द्र बहादुर नेपालीको दुई तले दुई कोठे ढुङ्गा, माटोले बनेको पत्थरले छाएको घरमा बिहिबार अचानक आगलागी हुँदा खाद्यान्न, भाँडावर्तन, लत्ताकपडा, काठ लगायतका सामानहरु गरी अन्दाजी मुल्य रु.६,००,०००।– (छ लाख) बराबरको धनमाल जलेर नष्ट भएको छ ।

जुवातास खेलिरहेको अवस्थामा ८ जना पक्राउ

२०८३-०७-२५

कैलाली:- जिल्ला कैलाली बर्दगोरिया गा.पा.६ राजिपुर स्थित वर्ष ४१ को शिवरतन थारुको घरमा जुवातास भई रहेको छ भन्ने गोप्य सुचनाको आधारमा जुवातास खेलिरहेको अवस्थामा निज शिवरतन थारु समेत ८ जनालाई गएराति इलाका प्रहरी कार्यालय सडकपुर, कैलालीबाट खटिएको प्रहरी टोलीले नगद रु.६४,७७०।- (चौसठ्ठी हजार सात सय सत्तरी) र ३ गड्डी तास सहित पक्राउ गरेको छ । यस सम्बन्धमा प्रहरीले अनुसन्धान गरिरहेको छ ।

आगलागीबाट बिभिन्न धनमाल जलेर नष्ट

२०८३-०७-२५

कञ्चनपुर:- जिल्ला कञ्चनपुर पुनर्वास न.पा.८ “क” गाँउ बस्ने वर्ष २४ को सुरज शाहको घरमा बिद्युतको लाइन सर्ट भई मंगलबार राति आगलागी हुँदा खाद्यान्न, भाँडावर्तन, स्कुटी, साइकल लगायतका सामानहरु गरी अन्दाजी मुल्य रु.५,००,०००।– (पाँच लाख) बराबरको धनमाल जलेर नष्ट भएको छ । आगलागी स्थानिय र प्रहरीको सहयोगमा नियन्त्रणमा लिईएको हो ।

जबरजस्ती करणी गरेको अभियोगमा पक्राउ

२०८३-०७-२५

अछाम:- १९ वर्षीया महिलालाई जबरजस्ती करणी गरेको अभियोगमा जिल्ला सुर्खेत पञ्चपुरी न.पा.८ दहताल बस्ने वर्ष २४ को ज्ञानेन्द्र बलामी मगरलाई जबरजस्ती करणी गरेको भन्ने उजुरीको आधारमा प्रहरी चौकी ढुङगाचाल्ना, अछामबाट खटिएको प्रहरी टोलीले मंगलबार राति पक्राउ गरेको छ । यस सम्बन्धमा प्रहरीले आवश्यक अनुसन्धान गरिरहेको छ ।

जंगली जनावर हात्तिको आक्रमणबाट महिलाको मृत्यु

२०८३-०७-२५

कञ्चनपुर:- जिल्ला कञ्चनपुर शुक्लाफाँटा न.पा.१ तारापुर बस्ने वर्ष ६० की लक्ष्मी डगौरा आफ्नै कच्ची घरमा सुति रहेको अवस्थामा शुक्लाफाँटा राष्टिय निकुञ्जबाट आएको जंगली हात्तिले आक्रमण गरी गएराति घट्नास्थलमा नै मृत्यु भएको छ ।